可不可以給我一個好人

by suu4leaf

原本Daddy Mommy叫我唔好去個無聊飯局,但係我冷靜落o黎諗,就算唔使俾面o個d咁o既親戚,我阿爺見我唔去得可能會唔開心,所以都係決定去(雖然就一定會遲o架嘞)。咁我見佢地話七點鐘切蛋糕影相,咁我就決定之前行陣街,同埋商務大減價,上去睇下有咩書執,然後差唔多時間咪上去囉。結果?我一上到去,成間房o既人都唔識o既,完全同阿爺無關係o既人都o黎晒,咁都叫同阿爺慶祝生日?同埋個蛋糕係一早切好分晒o架囉,同埋成晚我o地一家人係一張相都無影過o架囉唔該。我懷疑連阿爺都無影過相囉。根本就係佢o地自己o個家人聚會,就揾我o地黎過橋要我o地做陪客,極過份!一早知佢o地無咁好死特登幫阿爺搞生日o架喇,點知原來仲衰!搞到我仲專登由星光行商務趕去佐敦(用腳行o架!),早知就理鬼佢,揀晒書先去喇!搞到我好趕急咁是但攞o左本王貽興(佢d作品終於再版喇!好開心呀!),同埋三本(買二送一)Penguin Classics:Charles Dickens David Copperfield,Mark Twain The Adventures of Huckleberry Finn,George Orwell Nineteen Eighty Four就埋單,如果唔係我就已經推o左架車仔掃貨喇!仲要其實我o係商務撞到HKU 英文系個Tutor,但因為無時間吹水,搞到要扮見佢唔到……唉,咁耐無見(對上見應該係我去倫敦讀MA之前)又咁難得撞到,但係又無得傾下計,就係為o左o個班咁o既人,真係激死我!Eric,如果你睇到o既話,sorry呀!其實我係見到你o架!揾日有機會飲o野喇……結果我又唔可以坐o係佢o地面前睇書(有兩枱麻雀o係度,o係隔離睇書想死呀?),唯有打俾歐碧傾計解悶,但係傾o左一陣佢已經要練歌,於是我又坐o係度發呆,食飯又一個花樽咁坐o係度食,o個班人自己有自己玩,無人理(suppose係主家o既)我o地,一路坐到成十點幾先叫做可以離席……早知我就唔去喇,仲要一早襯晒衫化晒粧set晒頭,真係蝕晒俾佢。

唉!呢個星期好似盡係遇着d唔OKo既人,搞到我情緒不穩之餘連xanga都變晒口語(我好少o架嘛,通常都係扮d Jane Austen英文嚇人o既,哈哈)。可唔可以俾個好人我?嗯……好似王貽興咁得o架喇,唔該。

Advertisements