by suu4leaf

出發去上油畫之前,睇o左《東張西望》,講尋晚港台十大中文金曲頒奬禮。我發現自己個髪型同件外套都竟然同黎芷珊一樣款 之前我都試過買o左件衫,轉頭就o係電視見佢着住……唔通我地o既品味真係咁似?

之後訪問楊千嬅,講講下DinoJulio o係後面經過喎 我都覺得奇怪o架啦,佢o地咁有教養,唔會明知人o地做緊訪問都仲o係後面行過架-然後佢o地行左過去,一陣又行返過o黎,然後又行返過去,仲要完全唔望鏡頭,擺明係o係度整古做怪 最後Dino再行過o黎個陣重要扮落樓梯 真係俾兩個百厭星激死 (不過佢o地實在太可愛啦,等我聽日再睇返先

農曆新年之前最後一堂油畫,有好大突破!用一堂時間極速畫完一個唔容易o既構圖-個玻璃酒樽我十年前係畫過o架(不過係素描)。我調色好o左,快o左,開始get到落筆o既方法。阿sir仲讚我o忝 我開始記返起以前畫畫帶俾我o既喜悅。曾幾何時,我o既夢想係做一個畫家o架。

打俾阿料,問佢返去High Table Dinner點。佢都成功問到張婉婷小姐攞contact,又講o左好多o野俾我知。漸入佳境(係指LHTHGA o者)!繼續加油!

Advertisements