by suu4leaf

尋晚同歐碧去睇戲,原本想睇《如果 愛》,但發現旺角無場,睇左《無極》。上到去戲院上場岩岩散場,歐碧撞到個朋友,問佢齣戲點,佢話:「妳睇下我個樣就知。」歐碧:「你做咩喊到對眼咁呀!」「唔係呀,我係打喊路呀。」即時啞晒。唔係咁差呀?

其實都唔係咁差。《無極》係一個虛構既時空,一個遠古時代人神共存既世界。但所謂人神共存,都只係見過一個滿神,同埋其他人都好似唔係太知道佢地既存在。齣戲想創造一個好似仙境咁既世界,D鏡頭係好靚,但係有D位太跨張,搞到D觀眾笑。其實我知導演想做咩,但係可能個故仔太虛無漂渺,觀眾投入唔到。我唔認為《無極》係拍黎呃外國人,因為佢根本唔係講中國歷史。佢只係一個fantasy ,就好似The Lord of The Rings  咁,只不過佢係用東方神話做底。不過Tolkien 當然寫得好好多啦,佢寫fantasy 都當足係歷史咁寫架喎。如果《無極》個故事再仔細D,多D對呢個世界既描寫,應該會好睇好多。

見到宜家D電影特技咁進步,我覺得可以拍到《聖傳》,可能仲會好睇過《無極》。

Advertisements