by suu4leaf

勁!今次延朝聚會係我由倫敦返黎之後首次齊人(除左EV 鄧堂友)!佢地仲應我要求,攞左D陳年舊相出黎俾我-嘩… 真係睇到令人為之汗顏… 大家對住D相癲晒,所有以前既回憶都返晒黎。忽然間,大家都好似對我個計劃好支持;始終,果D係我地既共同回憶,係將我地永遠聯繫既野。今晚真係好開心,好似返到三年前仲上緊庄咁。預定下回庄function:海洋公園既萬聖節派對!

之後同歐碧去左睇<喇叭書院>。雖然又未到會令人捧腹大笑,但真係幾有意思。印象最深刻既係班女生賣左自己D名牌買返D樂器重新投入樂隊。係有D唔多現實,但係個訊息未嘗唔係好多人既心聲:年輕人真係應該趁年輕去燃燒一下青春,流一下青春既汗水。個男主角好似當年既栢原崇呢。唔,搞到我好想打返鼓。其實,果陣細威sir 係教過少少Jazz 架。

我都要,趁仲未係太遲之前,再次燃燒一下自己既青春。

Advertisements